Ji bo jinên tenê jin
jin
jin im ez
Ji min zêde dibin hûn
şaristanî ez bi xwe me
û di bin nigên min de ye cenet.
jin im ez
dê me ez
xwîşk im ez
lê ne tiştek im ez
civakê ez ji xwe re kirime namûs
û civak e namûsa min
namûs
ka namûs
kîjan namûs
bênamûsa bêbextîyên we me ez
têm recimkirin
bav diavêje kevirê ewil
dû re bi dor
mêr
law
û hemû kes
lê
ne bi kevirên we
jixwe ez mirime bi bêbextîyên we
jin im ez
bênnamûsîya xwe bi namûsa min
bêbextîyên xwe bi xwîna min neşon
barê ûjdên giran e mêrxasino
can daye
dilê we
ûjdanê we
bextê we
li çavên min binerin
bi çavên min li xwe binerin
bila destê we nericife
dilê we bi min neşewite
hûn ne min
hûn xwe dikujin
xwe
jin im ez
mirina min mirina we
mirina we mirina însanetîyê ye
xwîn dawerivîye çavên we
de min bikujin
min ji xwe xelas bikin
û berî avêtina her kevirî
"elahuekber" ji bîr nekin
Bila misilmantî rizgar bibe
û misilman serbilind bigerin
