cebeş û zebeş û şebeş û erotîzma kurdan

Rebenê Cebeş!

Erê weleh, rebenê cebeş çi hat serê wî û çi nehat serê wî...

Rebeno!

Li Mêrdînê şebeş e.

Xwe gindir dike, digihêje Dîyarbekirê, dibe zebeş.

Ji Dîyarbekirê ber bi Cizîrê ve dihere, li wir jî dibe şebeş.

Ê de...

Şabaş ji cebeş re jî, şabaş ji zebeş re jî û şabaş ji şebeş re jî.

Di odeyeke twîtterê de Azad Penaber û mêvanên xwe li ser erotîzma kurdan dipeyivin, lê bi piranî bi tirkî ye civat...

Nebû!

Di erotîzmê de lehengê sereke anku serleheng ziman bi xwe ye û di felsefeya erotîzmê de heta ziman bedenê bi hêç nexe, har neke û li ser wê bedenê tov û bizirên şehwet û arezûyê neçîne, li jêr govend nagere û quz li ser kîr nalîrîne, mixabin.

Îja heyran!..

Serleheng çawa dest bi govendê bike, govend ê bi meqamê serleheng digere.

Yanî...

Herin berê hest û hîsên xwe bi kurdî pîrozwer bikin, dû re werin em bi kurdî bedenan bispêrin bedenan.

Mijar xweş û populer e û gelek kes li pey megalomanîyê ne, 

lê hewce ye bi kar û emil û sinhetê xwe meriv wê megalomanîyê heq bike.

Bi kin û kurmancî,

de herin qûna xwe li avê xin, lo!

Gotina Dawî

Ka îşev bi cebeş, biborin bi zebeş, na na, bi şebeş îdare bikin, sibê ez ê bala we bikişînim ser firingî û xox û bacanê reş jî...

sîyaset û şeytanîyên şeytanî

Hin jin...

Dibêjin, "Ma ji bo repkirina kîrê mêran em 'cînsel obje' ne!" 

lê ji bo kîr li mêran rep bibe jî, çi ji destê wan tê, texsîr nakin.

Hûn bi şeytanîyên xwe rabin şeytanê hundirê mêran ji xew rakin û dû re ne eyb û ne fedî hûn dest bi gilî û gazinan bikin;

yanî heger hûn ne şeytanî bûna, mêr jî li kerê şeytên siwar nedibûn.

Bêguman dinya hurîyet e lê heger civaka hûn di nav de dijîn hay ji hurîyetê hebe...

Di nav zîhnîyeteke birçî de hurîyet tenê fantezîyeke xapînok e.

Kîrquzdêyekî li ser twîterê nûçeyek belav kiriye:

Xwedê giravî nasekî wî ji ber bi kurdî nizane, li Dîyarbekirê hatiye kêrkirin.

La hewle wela!

Hey te quzê wê xwaro!

Di ferhenga me mêrdînîyan de "wê" di şûna "dê" de tê gotin û xwendin...

Bi gotineke din:

Hey te quzê ca xwe yan jî hey te quzê dêya xwe xwaro!

Heger gotina te rast be, divê dîyarbekirî xwe bi xwe hevdu qir bikin; 

lewra ji sedî heyştê dîyarbekirî bi kurdî nizanin.

Xêr û guneh di stuyê Hemdila Arda de be. Dibêje li Qezaya Mêrdînê anku bi gotina apocîyan, li Qoserê, kaxetên durumên kibaban ji kîsên çimentê çêdikin, 

loma jî pişta her durumçîyî li înşeetekê ye.

De maşalê ji dêvla xwê û îsotê çimento bi ser durumê wernakin!..

Heger we li Qezê durum xwar, hay ji xwe bikin!

Gotina Dawî

Sîyaset di nav destê sîyasetnezanan de mîna şeytanpêkenînê ye.

kê kir kê

Li bakurê welatê min xêr di komunîzm û sosyalîzmê de nemaye; îdeolojîyeke nuh û terîqeteke nuh derketin.

Solalêstîzm!

Û Terîqeta Solperestan!

Li paytexta dagirkeran jî sîyaset êdî bi rêya doxînê dimeşe; kî li kê xweş rep bike, yekî din jî radibe li wî rep dike û ev repkirin bi haweyekî sîstematîk vedizele.

De qey Reb ê jî rep bike li van repbenan!..

Ruhstîn li Cuneyt Arkin jî rep kir û berê wî da hêla dinê!..

Ka îja li hêla dinê bibe mêvanê horîyan an mêvanê nûrîyan, ew û siûda xwe.

Lê wer xuya ye ji ber bi her nigî lê dixist, li hêla din jî ew ê li ser wî her pozîsyonê biceribînin.

Gotina Dawî

Dinya dinyaya kê kir kê ye...

kasetê welatê me buha ne werin sêva

Tirk tam bûne "hamamoxlani"

Destê kê di bêrîka kê de ye, kîrê kê di qûna kê de ye, ne belî ye.

Îro çend roj in serê kasetan dest pê kiriye.

Ji nuha şûn de em ê nigên xwe biavêjin ser hev, araqa xwe bi kêfxweşî vexwin û ji xwe re li qeşmerî û kepazetîya wan guhdarî û temaşe bikin.

Jixwe medenîbûn û modernbûn ne karê van teresan e. 

Ji ber ku xwedan zîhnîyeteke qirêj in, bêehlaqîyê di rengê modernbûnê de dijîn; tiştê ji modernbûnê fêhm dikin, ew e.

Ka bê sibê tav ê bide qûna kê û kasetên kê yê derkevin pêyasê...

Ez bi çar çavan li bende kaseta Bahçelî me, lê ya Reîs ê jî ne xerab be, haa!

Gelo kasetên HDPyîyan jî li ber destê Sedat Peker hene?

Gotina Dawî

Keçikê gundê me buha ne werin sêva

Werin sêva werin sêva werin sêva

Kasetê me pir hêja ne werin sêva

Werin sêva werin sêva werin sêva

mekap

Şam şekir e lê welat jê şêrîntir e...

Welat hinguv e lê Urfa jî ne xerab e...

Urfa xweş e lê Amara bihuşta rengîn e...

Şam!

Welat!

Urfa!

Amara!

Û ax!

Na na, xwelî...

Piştî axa Amarayê, lê ax pîroz e û ji axê gelek ber dizên,

loma jî, ne ax...

Xwelî!

Erê, piştî Apo bû welî û ax jî bû xwelî, mirîdan bi kulman xwelî li serê xwe kirin li ser navê welî.

Lê...

Îja dor hat mekabê!

Te got mekap?

Ji bo muhamedîyan kevirê Kabeyê, ji bo Apoyîyan jî sola mekabê!

Gotina Dawî

Sedeqallahulez!

selo yan erdo

Selahedîn an Erdogan?

Bi min, Selahedîn, ne Erdogan.

Lê...

Çima Selahedîn lê ne Erdogan?

Nermî meriv ditevizîne, pûç, tiral û tembel dike.

Û tiralî û tembelî jî bi xwe re belengazî û xwelîserîyê tîne...

Jixwe bi salan tirkên "çepgir" û "lîberal" hewl dan bi rê û rêbaza îroj Selahedîn dimeşîne, kurdan di nav pirik û çirava tirkîtî û tîrkîyetîyê de bigevizînin; 

bêguman bi ser jî ketin.

Îro ro bi milyonan kurd bi vê rê û rêbazê bûne kurdkokenlîyên zarokên wan nizanin çi ne!..

Heger Kurdistan hebûya û li ser axa Kurdistanê kurdîtî di bin parastinê de bûya, min ê bigota rê û rêbaza Selahedîn dimeşîne rêyeke maqûl e, lê kurd û kurdîtî di bin xetere û tehlûkê de be û meriv rabe wek kurdekî kurdan ji kurdîtîyê dûr bisekinîne, dûr bixîne, ne karê aqil e û hêja ye meriv biguman tev bigere.

Selahedîn, ji rêvebirên dewleta dagirker bitesîrtir e, lê tesîreke neyînî...

Jixwe kar û xebat û armanca rêvebirên dewletê kifş e û meriv jî bi wan dizanin ji bo çi û dixwazin çi bikin!

Lê...

Selahedîn û yên mîna Selahedîn bi dîzî û bi haweyekî fisgenîtî bi meriv ve didin. Ew pêvedana wan mîna kokaînê ye; ewil bi meriv xweş tê, dû re hêdî hêdî meriv sist dibe, ditevize û ji her haweyî ve ji ser hişê xwe ve dihere; êdî meriv ne xwe ye û meriv bixwaze jî hew dikare bibe wek xwe yê berê.

Loma jî...

Hay ji Selahedînan hebin!

Û heger li bakurê welêt li dijî vê sîstema dagirker partîyek/rêxistinek kurd û kurdî hebûya, di rewşa Tirkîye ya îroj de bi rehetî ew ê xweserî yan jî federasyon bi dest xista.

Îja heyran...

Derd û xema HDPKKê ne xweserî ye, ne jî federasyon e; hewl didin bi haweyekî xwelîser kurdan di nav vê sîstemê de bimehînin. Û jixwe têra xwe jî mehandin.

Îja em werin ser meseleya "Çima Erdogan?"

Qîmerê Erdogan bizanin, lewra...

Di nava bîst salan de bobelat û felaketên Erdogan anîn serê tirkan û Tirkîyeyê, ev sed sal in partî û rêxistinên kurdan neanîne serê tirkan û Tirkîyeyê.

Lê...

Wek min li jor jî ta bi derzîyê ve kir, li bakurê welêt xwedê giravî ew hêza ku dibêje ez ji bo kurdan tê dikoşim, şer dikim HDPKK ye û heyf û mixabin HDPKK jî ji kurdan re ne serxwebûnê dixwaze, ne federasyonê dixwaze, ne jî xweserîyê; bi haweyekî xwelîser dixwaze xwelîyê li serê kurdan bike.

Û jixwe bi wê zîhnîyeta xwe êdî ji axê xwelî difûre!..

Gotina Dawî

Ji her tiştê Erdogan re ez li çepikan dixim;

nîyha eskerîyê, ew pozê wan ê bilind jê kir, kir qûna wan;

misilmantî li ber çavê însên kir marê reş, misilman ji misilmantîyê sar kirin;

bi ser kemalîzma ku li ser xwîna kurdan û neteweyên din ava bûbû de mîst, kemalîst kirin reîz û teres;

lê...

tenê ji ber buhabûna bîra û şerab û araqê ez jê aciz im; heger bîra û şerab û araqê jî erzan bike, ez ê tu carî wî ji bîr nekim û her wek qehremanekî qala wî bikim û wî bi bîr bînim.

kurd batkan

Îroj ji sibehê heta êvarî, li ser medyaya sosyal ew vîdeoya wî sêlekê tirk hebû.

"Kurd batkan!"

Hetiketî!

Xwelîserî!

Belengazî!

Hîn jî em li bende ne tirkek rabe were destê xwe li ser serê me bigerîne û ji me re bibêje, "Eferim!"

Hîn jî gotina tirkekî ji sed û yek gotinên me biqîmettir e.

Hîn jî li hemberî tirkan em stuyê xwe xwar dikin û bejna xwe ditewînin.

Û hîn jî me toqa nahletê ji stuyê xwe dernexistîye; hîn jî...

Ma qey heta tirkek ji we re nebêje hûn însan in, hûn ê xwe însan nehesibînin?

Kurd batkan!

Kurd batkan!

De bira jî kurd batkan kurd batkan bûya...

Û sosret û qebheta herî mezin jî;

ew gebgebeyên sermezin û mejîbiçûk ên xwe wek xwende û zana û sîyasetvan û sîyasetzanên kurd dibînin, hew mabû bi gotina vî zarokî bask bi wan ve şîn bibe û bifirin.

Weyla xwelîya heft gundan li gundekî û xwelîya wî gundî jî li serê we be!

Êdî aqilê xwe ji kîsê xelkê derxin!

Gotina Dawî

"Kurd batkan" bi qasî Erdogan, Kiliçdaroglû, Bahçelî û Akşenerê kurd e, bi qasî Erdogan, Kiliçdaroglû, Bahçelî û Akşenerê tirk e.

çerx diçerixe

Mêrdînî!

Mêrdînî!

Mêrdînî!

Hey xwelîya mêrdînîyan li serê we be!

Amedînino!

Serhedînino!

Ji dêvla hûn mêrdînîyan li ser serê xwe bigerînin, hûn radibin zimandirêjîya mêrdînîyan dikin.

Ne bi qasî mêrdînîyan, nêvîyê mêrdînîyan ji zimanê xwe hez bikin, xizmetê ji ziman û edebîyat û huner û kultura kurdîn re bikin, em ê we li kolana xwe bikin û bigerînin.

Dev ji vê hesûdîya xwe berdin û hûn jî mil bi mil bi mêrdînîyan re mêrdînkî lê xin.

Û mêrdînkî kurdîkî ye!..

Bêhna hilbijartinê tê!..

Û Reîs dîsa hewl dide li ser pişta serokê sererd û binerd serî li hinekan bike tara bêjingê.

Jixwe mirîdên Reîs û Apo jî pirî dişibin hevdu; li du slogan dinere.

Û Selo başqan jî li Edîrneyê bang dike:

-Ez dikarim ji Apo bêtir bi kêrî we bêm û xizmetê ji we re bikim."

Gotina Dawî

Ne Apo ne Selo, de bila aqilê te ne ji kîsê xelkê be, lo!

berjewendî û hesûdî

Bi lez û bez hewce ye ez xwe bigihînim welêt û pê li wê axê bikim.

Dema ez ez xwe giran dikim û pirî ji welêt dûr dikevim, sîstema min tevlihev dibe, ew pira di navbera dil û mejî de hildiweşe; ne têr dixwînim, ne têr dinivîsînim, ne jî têr diafirînim.

Bi min, di navbera ziman û axê de pêwendîyeke kûr heye. Dema ziman ji axê dûr dikeve, ax zimên ceza dike û ziman dihilkume; di nav bera wî û mejî de her tişt bi rengê leylanê şolî xuya dike.

Loma jî, hewce ye ez rojek berî rojekê herim pê li wê axê bikim û kodên hiş çalak û aktîf dikin li zimên bar bikim.

Heger Tirkîye xwe ji vê rewşa ketîye jî xelas bike, êdî bila her kes dev ji xeyal û fantezîyan berde û ji xwe re bera pey hin xeyalên nuh bide.

Lewra ne Xweda terka Tirkîyeyê dike, ne jî Şeytan...

Hin xwelîserên teres radibin gazinan dikin, rûdinin gazinan dikin.

Îja çima li başûrê welêt li her derê înşeat hene?

Derdê van xwelîseran çi ye, hûn dizanin?

Ne ku dilê wan li ser kurdan û Kurdistanê dişewite. 

Na.

Ya ew dikin, 

hesûdî ye, çavnebarî ye. 

Û li gorî zîhnîyeta van xwelîserên teres; konfor ji xelkê re adet e, ji kurdan re qebhet e; 

lewra serdestên wan ew weha hîn û terbîye kirine...

Gotina Dawî

Anuha hûn kesên başûr bi lêkirina sîte û avayîyan rexne dikin, başûrî mifteya daîreyekê ji we re bişîne, hûn çi bertek û reaksîyonê nîşan bidin?

Çi? 

Dengê we nehat min!..

de were safî bike

Van rojan dîsa Selo başqan di rojevê de ye; qala dewlethezîya wî ya berê dikin.

Ji min derew, xwedê giravî dibêjin, berî hilbijartinên serokatîyê Selo başqan weha gotîye:

"Ji bo em ji sîstema serokatîyê re bibêjin erê, heger bi haweyekî eşkere û vekirî di makezagonê de xweserîyê û perwerdeyîya bi zimanê kurdî binivîsînin jî em ê nebêjin erê."

Ê de em jî ji te re nabêjin erê û xwelîya xweserîyê li serê te dikin.

Wek ku li Tirkîyeyê sansur tune ye û her kes hur û azad e, dikin ji bo medyaya sosyal qanûnekê/zagonekê li qanûnên din/zagonên din zêde bikin.

"Li ser medyaya sosyal yên bi derewan nûçeyan bigerînin, belav bikin, ew ê bên cezakirin."

Rast e derew e nizanim lê xêr û guneh ne di stuyê min de, Salihê Çapemenîst got piştî vê nûçeyê rojnamevanên "a haber" û rojnamevanên "Med Nuçe"yê bi hev re govend gerandine û heta destê sibehê bi araq û reqs û kêfê pîroz kirine.

korfahmî

Balkêş e, li Tirkîyeyê ji sedî nod û pêncê tirkan li ser îslamê tenê du kitêb jî nexwendine û fêhm nekirine bê ya bawerîya xwe pê tînin çi ye, radibin dibin dîndar û îslamîst û dibin belaya ser xwe jî, dibin belaya serê me jî.

Heman tişt li Kurdistanê bi versîyoneke din derdikeve pêşîya me.

Çi ye ew balkêşî?

Li Kurdistanê jî pirê kurdên Apo wek Xweda û pêxemberê xwe dibînin û ji bo wî terka ruh û canê xwe dikin, wan jî li ser Apo û zîhnîyeta Apo tenê du nivîsar/makale/kitêb nexwendine û nas nakin bê Apo kî ye û li pey çi ye, radibin bi haweyekî mirîdane li pey wî diherin.

Gotina Dawî

Heta ev her du zîhnîyet serdest bin, ne tirk li Tirkîyeyê digihêjin miradê xwe, ne jî kurd li Kurdistanê...

rojev û rewşa însên

Xwezî min bi xwe bikarîya û min zêde enerjîya xwe li sîyasetê xerc nekira.

Lê mixabin, 

ji ber şert û mercên kurdîtîyê wek pirê kurdan ez jî nikarim bi xwe û bivîla xwe dixim nav sîyasetê.

Û dema ez bêvila xwe dixim nav sîyasetê jî,

ez xebatên xwe yên edebî taloq dikim,

ez xebatên xwe yên sînemayê taloq dikim.

Heyf!

Lê ev jî rastîya min (me) ye.

Ji zû de ye şerê Ûris û Ûkraynayê zêde ne di rojevê de ye. 

Anuha ez bi xwe nizanim rewş çi ye? 

Her tişt li bin guhê hev ketîye; kî mirîye, kî maye, ne xema kesî ye.

Û her weha li Tirkîye û li bajarên kurdan rewşa însên a aborî/ekonomî xerab e. Xelk ketîye dahdoleka zikê xwe, loma jî ûris mirine, ûkraynî mirin e, ne li ser bala kesî ye.

Gotina Dawî

Li ber bayê zemên fîkefîka bazirganan e...

felek yeman e

Li behra Egeyê av dikele; yewnan û tirk bi devê tivingê dipeyivin.

Ne bawer im ew tiving biteqe, lê were û biteqe bi saya serê hinekan, şerê Tanri û Allah ê dest pê bike, lê kî yê li ser qazûx rûne ne belî ye.

Lê rojava jî erd disincire. Tirk li kurdan hatine xezebê, lê jixwe ji roja tirkan ev ax dagir kiriye, tirk li kurdan li xezebê ne.

Lê...

Wek haweyê vê carê her tişt ê wek ew dixwazin nemeşe.

Reîs jî li tirkan hatîye xezebê!

Sîstem têk çûye!

Ekonomî têk çûye!

Eskerîyê ber avêtîye!

Sîyaset û birokrasî çilvirîye!

Tecawizî edaletê kirine, qûn lê xurek kirine!

Kultura talan û dizîyê seranserê welêt dîl girtîye!

Bi kin û kurmancî,

ava serê tirkan dikele, lê şuştina wan a ji ser vê axê ew ê ne bi sabûnê be!..

Gotina Dawî

Felek yeman e, çerxa wê giran e, lê meriv çi biçîne meriv ê wê biçine...

mejîyên şolî

"Yalniz Kurt"

Rêzefîlmê bi navê xwe yê orjînal "Yalniz Kurt" anku "Gurê Tenê" êdî ew ê ne li ser ekranan be.

Gelo bi kê ev operasyon hat destpêkirin?

Bi rexneyên li ser medyaya sosyal?

Bi gef û fordên kurdan?

Bi êrîş û sîyaseta HDPKKyîyan?

Yan bi dîplomasîya rêvebirîya Kurdistanê?

Bi min,

Reîs û hêzên dewleta Reîs ne hesabê medyaya sosyal dike, ne guh dide gef û fordên kurdan û ne jî bi qasî misqalekê HDPKKyê cidî dibîne.

Lê ez wek navê xwe dizanim tu analîst ê serê xwe bi wê dîplomasîya bi haweyekî veşartî meşîya re neêşîne;

lewra...

gîyhaya hewşê tahl e.

Di rêya Kurdistanê de,

Ez tim dibêjim û ez ê her tim bibêjim, li pêşîya Kurdistanê xetereya/tehlûkeya herî mezin dîndarî ye!

Û dîndarîya misilmanan jî vîrus e, nexweşî ye, korfahmî ye!..

Hewce ye li Kurdistanê lijneya revebir xwe ji vê zîhnîyetê biparêze/dûr bisekine.

Ha, ji min re qala mêr û mêrxasên berê nekin û nebêjin ew jî dîndar bûn.

Wî zemanî, 

însanetî, merdî, mêrxasî, ciwamêrî, ehlaq, bext û ya herî muhîm neteweperwerîya wan mêr û mêrxas û kesayetan, berî dîndarîya wan dihat.

We got Rudaw?

Min fêhm nekir, AKPyî ji Rudawê ne razî ne, HDPyî ji Rudawê ne razî ne, hin başûrî ji Rudawê ne razî ne...

Ma niza'm Xwedê ji Rudawê razî ye?

Dibêjin,

li Dîyarbekirê serekê bajêr ê MHPyê bi kirina tecawizê hatîye girtin.

Normal e!

Ev sed sal in ecdadên vî bênamûsî tecawizî wê axê dikin û diherimînin.

Bi îzn û destûra Şeytên piştî şikestina wan em ê wê axê bi axa reş helal bikin, lewra bi destê misilmanan bi axa sor hatiye herimandin.

Gotina Dawî

Berê hewce ye meriv bi xwe re durist be, dû re bi doza xwe re...

Heger tu bi xwe re ne durist bî, doza te dibe kulmek toz!..

nirxên kurdî û çêra dagirkeran

Ji ber ku,

Baba Tahir hîmê helbesta farisan e, faris zaravaya lorî wek zaravayeke farisî dihesibîne; bi wan zor tê,

ji ber ku edebîyata wan bi kurdekî geş û xurt bûye.

Lê,

ev jî rastîyek e, hûn ji kurdî dizên...

Elî Tulabî

Ciwanekî 13 salî ye

Ji herêma Loristanê ye; mîna kalikê xwe Baba Tahir ew jî lorî ye.

Û çendî bi farisan zor be jî, lorî zaravayeke kurdî ye.

Esrî Cedîd

anku 

Serdema Nuh

Li Îranê Elî Tulabî beşdarî vê pêşbirkê bû û bi wî dengê xwe yê dilzîz û xemrevîn stran gotin.

Ne tenê lijneya jurîyê, her weha mevanên li salonê û temaşevanên li ber ekranên xwe rûniştî jî mest kirin.

Gotina Dawî

Û careke din kifş û eşkere bû,

tirk û ereb û faris ji kîsê me diçêrin û li ser nirxên me xwe qure dikin.

Bi kin û kurmancî,

heger em bi ser kevin, hûn ê di bin me de ker û kwîr û gêj bibin.

av disincire

Heger mesele tenê ne pere bûya, hin meran ê tenê di xewnên jinan de bi destên hin jinan bigirtana. 

Qesem bi navê Xwedê ji kişandina masturbasyon û bixwexweşanînê, kîr ê li wan biperitîya, bişeliqîya û piştî wê şeliqandinê jî ew ê qalik bigirta û biterikîya...

Îja dua bikin pereyê we heye û jin ne bi we, bi pereyên we şad dibin.

Li Kazdagîyê siruşthez û siruştparêz in, li Kurdistanê kerên êş in.

Ji hêlekê ve ji ber wî şerê dewletê û apocîyan ku dilê wan bixwaze şer dikin, dilê wan bixwaze li hev dikin, daristanên me şewitîn, dişewitin; ji hêlekê ve jî tucarên bêbav bi piştgirî û desteka eskerî û dewletê wan daristanan rût dikin.

Erê...

Li Şernexê qetlîma siruştê!

Bi kamyonan dar û êzing ber bi bajarên Tirkîyeyê ve bi rê dikevin.

We got aktivîstên siruşthez û siruştparêz?

Di devê zotika ca xwe re li dinyayê dinerin û li ser gerdûnê tehlîlên enternasyonalî dikin.

Dewleta tirk di navbera Xelîl û Celîl de maye; Xelîl nîyhaye ekonomîyê, ekonomîyê top avêtîye; Celîl jî mîna Ezîzbela bela xwe bi her kesî dide.

Ji hêlekê ve yewnanîyên gewr û spî, ji hêlekê ve kurdên kej û qemirî...

Destê Şeytên li pişta we be!

Gotina Dawî

Ava sîtilê dikele; hinek ê xwe bişon û paqij bikin, hinek ê jî xwe helal bikin û xatir bixwazin...

sartre

Jean Paul Sartre gotîye:

"Ew ên li hemberî qesasên xwe rêzê digirin, îmana min ji wan dihere/hîç ji wan hez nakim."

Gelo piştî xwendina vê hevokê pozê kê dişewite?

Lê...

ji bo wateya "qesas" bizanibin, berî her tiştî hewce ye ew xwe/rewşa xwe pênase bikin.

Lewra...

êdî ew bi çavê qesasên xwe li her tiştî dinerin/dixwînin.

Serê me sax be!

şivan perwer

Xwezî Şivan Perwer lal bûya û tenê dema stran bigota zimanê wî bigerîya...

Çi nakokî û paradokseke ecêb!

Ji hêlekê ve bi wî dengê xwe yê xweş û efsûnî stranan derxe erşê Xwedê, ji hêlekê ve jî bi wî mejîyê xwe yê blokebûyî xwe ji nezan û cahilekî beradayî jî fahştir û ehmeqtir bike!..

Meriv şaş û metel dimîne, gelo ev têrnexwarî ye, çavnebarî ye yan birçîbûneke nekedîbûyî ye?

Pere pir e...

Jin pir in...

Qesr û qonax hene...

Nav û deng belavbûyî ye...

Kengî dilê wî bixwaze, nigekî wî li Kurdistanê ye, nigekî wî li Ewrûpayê ye...

Êê!

Ma tu dahwa îmana me dikî yan tu dixwazî li ser serê kurdan xwe bikî Xweda? Xwedayekî bêvila xwe dixe her tiştî...

Ê weleh mejî di serê te de hebûya, jixwe di warê huner û muzîkê de ji bo kurdan tu Xweda bûyî, lê heyran...

Tu dev ji huner û muzîkê berdidî diherî bi qastî û bi zorê xwe li ber çavê kurdan reş dikî.

Wê rojê, jineke ne kêmî wî li ser rûpela xwe ya facebookê vîdeoyeke wî par ve kiribû. 

Di wê vîdeoyê de Şivan efendî dev ji muzîkê berdabû, dest bi şîretan kiribû û qerf û tinazên xwe bi zîhnîyeta kurdên bakur dikir. 

Digot, "Şerm bikin, şerm! Çima hûn bi zimanê xwe napeyivin, bi zimanê tirkî dipeyivin?" û wî bi xwe jî devê xwe xwaromaro dikir û bi tirkî dipeyivî, xwedê giravî rexne li bakurîyan digirt, lê...

Erê, lê li pişt wî jî posterê Apo daliqandî bû.

Îja ka aqil!

Heger mejî di serê te de hebûya, ne bakurî, te yê berê xwe bida xwedîyê wî wêneyî û gilî û gazin û rexne li wî kesî bikira.

Axir!..

Gotina Dawî

Şêx Şivan!

Ne xwe bixapîne, ne jî me bixapîne. 

Û wek îmana xwe tu jî dizanî yê mala bakurîyan şewitand û zimanê wan li mîratê gerand Hezretê Apo bi xwe ye!..

turkolog û hêla din

Erê, te jî pê girt!

Hêdîka bi dengê vekirina derî re Turkolog Tuncer Gulensoy çavên xwe ji ser hev rakirin. Li ser nivînan veketî, Mele li ser wî quran dixwend; di ser Mele re jî Ruhstîn...

Ruhstîn di bin simbêlan de kenîya û xencer ji kalanî kişand. 

Ricifandinekê seranserê bedena Tuncer dîl girt; hew mabû zirav pê de biteqe, wecyê wî reş xeniqî. 

Ji nişka ve bi kurdî dengê Melê di guhan de kir zingînî. 

Serê xwe kil kir, nebû. 

Çavên xwe kutan ser hev, nebû. 

Dev li lêva xwe ya jêrîn kir, nebû...

Kurdî di guhan de olan da.

Ruhstîn devê wî ji hev kir, destekî xwe li zimanê wî pêça û bi destê din bi xencerê ziman ji kokê de jê kir.

Qarewara wî û xwendina Melê mîna senfonîya beq û reqan di hundirê odeyê de olan da.

Ruhstîn xwe daqûl kir, devê xwe xist guhê wî û got:

"Bi salan te hewl da bi teorîyên xwe yên beradayî kurdan ji kurdî bixeyidîne û kurdî tune bike, lê va ye emrê te têra kurdî nekir û te pê girt. 

Lê berî ez te bişînim hêla dinê, ez ê du sê gotinan bibêjim û tu jî guhdarî bike û gotinên min bike guhar û têxe guhê xwe."

Turkolog bi haweyê erê bike, serê xwe kil kir. Û Ruhstîn berdewam kir:

"Binere berxê xalê xwe!

Koka kurdî ew qasî di kûr de ye, ne tenê zimanê te, zimanê te û zimanên hemû tirkên wek te bibin tevir û bi qasî dirêjayîya emrê neteweya te, bi wî tevirî hûn bikolin jî, hûn ê xwe negihînin koka wî zimanî. 

Tanriyê we tirkan û Allahê ereban bi xwe dema derdikeve hizûra kurdan, xwe wek Xweda dide naskirin; nabêje ez Tanri yan jî Allah im. 

Û ez bi xwe jî, ew ez ê ku bi heybeta wî, zimanê te di devê te de hişk û ziwa dibe û hew dimîne zirav di hundirê te de biqete, ji ber qudret û heybeta kurdî, ez newêrim li nav kurdan navê xwe yê rastîn bibêjim û wek Ruhstîn ez xwe didim naskirin. 

De îja temîya min li te, li hêla din bi şaşî bila ji devê te nefilite û ji yên ber derî re nebêje ez tirk im. 

Bi Allahwekîl ew ê te tirek bikin û bikutin te!"

Dest û nig li Turkolog Tuncer pûç bûn, çav lê sist bûn û xwest bipeyive, lê çav li zimanê xwe yê di destê Ruhstîn de bû ket, deng jê derneket.

Ruhstîn doxîn li xwe sist kir, bi ser wî perçeyê zimên de mîst û dîsa ew perçe bir bi dewsa wî ve zeliqand. 

Ji ber ku qirik lê ziwa bûbû, çend niqut mîza ku li ser zimên mabû, daqurtand û zor da xwe bipeyive. Bi zorê zimanê wî gerîya, got:

"Dêya min jî kurd e!.."

Ruhstîn di bin simbêlan de kenîya, got:

"Xeman nexwe, li hêla din ew ê bavekî kurd jî ji te re peyda bikin..."

hetiketî û teresî

Carinan dema ez li hin kurdên bi tirkî dijîn, guhdarî dikim, xwe bi xwe dipirsim, gelo kurdîya van ciwanik û ciwamêran qey bi qasî wê tirkîya wan a qels û şikestî jî tune ye, radibin bi wê tirkîya şikestî xwe dihetikînin?

Îja heyran, qey fikir tune ye û bîr nabin...

Ya din jî, 

jan bi serê populîzmê keve!

Ji bo du sê kes zêdetir li wan guhdarî bikin an jî li bin vîdeo û hevpeyvînên wan laykan deynin, ji zimanê xwe dûr disekinin, bi zimanê dagirkerên xwe yê şikestî xwe dihetikînin.

Nahlet li sekn û helwest û kesayeta we bê!

Êdî hingî her roj her roj em dibêjin, mû bi zimanê me ve şîn hat, lê hûn li ber xwe nakevin.

Ji bo meriv li ber xwe bikeve, 

xîret divê,

sekn û helwest divê,

kesayet û şexsîyet divê.

Axir, vê êvarê dîsa belasebeb ji bo kesên nayên guhertin min xwe aciz kir...

Gotina Dawî

Berê fedî hebû; êdî kes hew ji pêşîyên xwe fedî dike, mixabin.

azadî û serxwebûn

Başûrê Kurdistanê, ji hêlekê ve hêvîyê di dilê meriv de geş dike, ji hêlekê ve jî meriv di nav gola bêhêvîyê de difetisîne.

Dema meriv berê xwe dide dîroka wê, têra geşbûna sed dewletî hêsir rijîyaye ser wê axê, bi dehhezaran qurbanî daye, 

loma jî meriv dibêje ne mimkun e piştî ew qas êş û trajedî azadî û serxwebûn ne li ser bala wan be; ji ber ku xemsarîyeke weha tenê karê ehmeqan e.

Di ber azadî û serxwebûnê de, seranserê wê axê bi xwînê hatîye avdan; ma mimkun e xwîn ew qasî erzan be?

Lê...

dû re meriv li wê zîhnîyeta li wir serdest e dihilkume, serî li meriv dibe tara bêjingê û êdî meriv hew dizane bawerîya xwe bi çi bîne û bi çi neyne!..

Hêvî dikim berjewendîyên şexsî yê zora berjewendîyên neteweyî nebin,

yan na...

ev sed sal ê jî ji kîsê me here.

Gotina Dawî

Hêvî dikim sînorê têrxwarinîyê hebe...

amîneh kakabaweh.

Meriv bi kurdên weha serbilind e û her weha bi saya serê kurdên weha meriv xwe nas dike û xwe bi neteweyên din dide naskirin. 

Ne alîgira elo ye ne alîgira welo ye, tenê dilê wê ji bo kurd û Kurdistanê diavêje.

Ez qala jina kurd a parlamentera Swêdê Amîneh Kakabawehê dikim.

Jin e, jîr e û xwedan vîzyon û sekn û helwest e.

Yanî wextê meriv jîr û zana be, meriv bibext û ûjdan be û her weha meriv dilêş û xemxwirê doza netew û welatê xwe be, hewce nake meriv xwe biavêje pişt partî yan jî rêxistinekê; mîna vê xatûna hêja. 

Bi tena serê xwe dîplomasîyeke bêhempa dimeşîne.

Lê nizanim çima, bi qasî kurd kes û kesayet û meseleyên beradayî dixin rojeva xwe û li ser dipeyivin, nîqaş dikin, vê xatûnê ew qasî bala wan nekişand û li ser nesekinîn.

Lê di esasê xwe de, hêja ye bi rojan li ser vê kesayetê û ruh û helwesta wê ya kurdistanî meriv bipeyive, tehlîl û analîzan bike.

Îja heyran...

Wextê li ser vê jinê bipeyivin, ne ew, ev jin û mijara vê jinê yê populer bibin, loma jî bûyer û mijar û mesele û entrîkayên ji wan re nan tê de tune ye, nabin mijar ji rojeva wan re...

Ma "Bijî..." hebe kî yê guh bide jin û jîn û jîyînê, hey xwelî li serî?

Axir...

Em dîsa vegerin ser meseleya Cecelî, lê hewce ye ez lê germ bibim.

De ka bila bibe sibe û ez li çend stranên Dîyar guhdarî bikim, dû re ez ê vê meseleyê veçîrînim.

Gotina Dawî

Rexneyan bikin lê xwe bi nav rêxê nedin.

kurd û kesayet

Ji ber ku,

dagirkeran tecawizî kesayeta kurdan kiriye, kesayet qûnde bûye,

loma jî, 

kurdên îroj ji kesên bikesayet hez nakin, ji yên wek xwe bêkesayet hez dikin.

Û mixabin, heya bêkesayet serdest bin jî, dilê xwe bi tiştekî xweş nekin.

-Êêê?

-Çi ê?

-Le Kurdistan?

-Xeman nexwin; heger kurd li pêşîya vî heqê mîna şîrê dê helal e, bibin dîwar jî, li du gotinên Amerîkayê dinere, lê hewce ye dîplomatên me jî dîplomasîyeke baş bimeşînin û hewl bidin berjewendîyên me û yên amerîkayîyan li hev rûnin...

Gotina Dawî

Heger dilê mirîşkê tune be hêk bike jî, divê bi zorê em wê hêkê ji zotika wê derxin!..

civaka tiroviro

Pirê kurdan, li ser quretî û megalomanîya qure û megalomanên medyaya sosyal, wan qure û megalomanan dikin entelektuel û rewşenbîr û zana li ser serê vê civakê!..

Lê hayê wan ji vîzyon û kapasîteyê tune ye, mixabin.

Pirê kesên xwe wek nivîskar, rojnamevan û rewşenbîr nîşan didin, dê û bavê wan bi xwe jî bi serê wan sûnd naxwin.

Ez ê bibêjim qey rojekê tav ê bide qûna wan, lê van tucaran nuha ji tavê re jî kirasek dirûtîye.

Goethe gotîye, 

"Ji bo dinyayê rewşa herî xetere û giran ew e, dema nezanî û cehalet bi haweyekî rêxistinî tev bigere."

Mixabin, êdî em di nava wê xetere û tehlûkeyê de ne.

Serek û rêber cahil û nezan in.

Rewşenbîr û xwende cahil û nezan in.

Hunermend û nivîskar cahil û nezan in.

Sîyasetvan û rojnamevan cahil û nezan in.

Bi kin û kurmancî, civak ji serî heta binî cahil û nezan in.

Serê civakê sax be!

Û el fatîhe li ser ruhê civakê!..

Reîs li kamyonê siwar bûye û diajo, lê...

Teker teqîyane,

firên teqîyaye,

û dîreksîyon ji cî derketîye...

Bajoo, Reîs!

Ji mirinê re kêlîyek ma.

Mustafa Cecelî, başûr û bakur ê ji mêj de ye bûne mîna du herêmên cîran, piçekî din ji hev dûr xistin.

Bakurî dibêjin, "Ev eşq û heyranîya başûrîyan a Cecelî û muzîk û kultura tirkî ji ku tê û çima?"

Başûrî jî dibêjin, "Sibehê hûn şîyar dibin, hûn çavê xwe bi tirkî vedikin, bi şev xewa we tê, hûn li ber lorînên tirkî di xew re diherin. Ev çi nakokî û paradoks e?"

Ax axx!

Ne başûrî û ne bakurî...

Ji qewla pêşîyan,

"Hûn hesinê doxekê, gûyê ser bêrekê ne."

Û hûn sax!.. 

Gotina Dawî

Û tew stranbêjên me yên tenê ji bo populîzmê ji dilqekî dikevin dilqekî, erê hûn jî xwe li hunerê radikişînin, lê huner;

qabîlîyet e,

zîrekî ye,

afirînerî ye, 

afirandin e,

xeyal e, 

fantezî ye lê ne ew fantezîyên we yên qeşmerî...

kûçik û kûçiktî

Mala tirkan (ne)ava be!

Heger ne ji vî gir û rikê tirkan be, em ê hîç li xwe, li kurdbûna xwe, li netewperestîya xwe hayîl nebin.

Carinan xwe bi xwe dibêjim, gelo tirk bira jî ji dil dixwazin koka me bînin û me qir bikin?

Dû re ez difikirim, serê min tev li hev dibe, mejîyê min disekine.

Heger ji dil bixwestana kurd qir bibin, rê û rêbazeke pir hêsan heye. 

Û jixwe ji doh de em hazir in...

Çi ye ew rê û rêbaz?

Tenê deh salan, erê tenê deh salan dev ji dijminatîya me berdin û ji me re çîrokên biratîya gelan û fantezîyên îslamî bibêjin, di nava van deh salan de em ê tenê kurdek jî li ser xeta kurdî nemînin û di nav wê pirika tirkî de ruhê xwe radestî tirkan û tirkîtîyê bikin û zîhnîyeta "Eşme" yê bi ser keve

û jixwe rewşenbîr û sîyasetvanên kurdan ne dûrî vê zîhnîyetê ne.

Îja "ka aqil" ji qewla dêrikîyan!

Bi xêra vê ehmeqîya wan, her cara em li kurdîtîyê sist dibin, em dihilkumin û ji nû ve em xwe dişidînin û li xwe, li kurdbûna xwe vedigerin.

Divê Şeytan tim di ezêb de be.

Ev sê çar roj in rojeva me ew rêzefîlmê tirkan e; ew rêzefîlmê heqaretê li vîn û îradeya me kurdan dike.

Bertek û reaksîyonên kurdan cîyê kêfxweşîyê ne,

lê tenê bi vî haweyî mesele safî dibe gelo?

Na.

Kurdên xwe nêzîkî xeta PKKê dibînin û bi çavê feylesofane li Apo dinerin, ji hêlekê ve xwe aciz dikin û dibêjin, "Ev çi hetiketî û teresî ye! Barzanî û rêvebirên Kurdistanê çawa ranabin li dijî vê hetiketî û teresîyê dernakevin, tiştekî nabêjin û serê wan di ber wan de tenê diponijin?" 

Ji hêlekê ve jî di bin simbêlan de dikenin û dibêjin, "Ox xweşş! Çavê kul derman dikin. Dilê me li barzanîyan rehet kirin."

Kurdên xwe nêzîkî xeta PDKê dibînin û bi çavê serek û rêberekî neteweyî li Barzanî dinerin jî, di kozikên xwe de cîyê xwe xweş kirine û ji hêlekê ve li dijî bertek û reaksîyonên apocîyan derdikevin û dest bi parastinê dikin, ji hêlekê ve jî dibêjin, "Hewce nake meriv asta xwe nizm bike û bi kûçikan re bibe kûçik! Ma Barzanî li xwe datîne bersivê bide van toltahjî û deyûzan!"

Her kes di pencereya xwe de li meseleyê dinere û jixwe her kes li pey firsendekê ye ji bo reqîbên xwe pê kêm bixe...

Werê jî dikin.

Her kes li gorî xwe heq û mafdar e, lê...

Ez ê jî ya xwe bibêjim.

Erê, wek apocî dibêjin, bertek û reaksîyon hewce ye.

Erê, wek barzanîcî jî dibêjin, ne hewce ye meriv asta xwe nizm bike û bi kûçikan re xwe bike kûçik, 

lê...

Erê, lê hin kûçikên hînî hestîkojîyê bûne jî, tenê ji avêtina keviran fêhm dikin. 

Û ji bo hewtehewta kûçikan hewce ye meriv destvala negere.

Loma jî...

Him ji bo apocî di bin simbêlan de nekenin û qebheta serok û rêber û sîyasetvanên xwe veneşêrin, him jî ji bo tirk nigê xwe zêde ranedin, lidijderketinek hewce ye.

Bînin bîra xwe...

Şahan Gokbakar di beşeke fîlmê xwe yê bi navê "Recep Îvedîk" de li ser azerîyan sehneyek kişandibû. 

Di wê sehneyê de qerf û tinazên xwe bi azerîyan û zarava û şêwaza azerîyan dikir.

Lê...

Berî ew fîlm têkeve vîzyonê, bi haweyekî d-î-p-l-o-m-a-t-î-k azerîyan Şahan Gokbakar hîşyar kir, Şahan Gokbakar ji tirsa qûna xwe rabû ew sehne ji fîlmê xwe derxist.

Ez nabêjim bila Barzanî asta xwe nizm bike û xwe bi wan toltahjî û teresan kêm bixe, 

lê rê û rêbaz hene.

Hûn dikarin him bi haweyekî dîplomatîk û veşartî têkilîyên xwe yên dewletî bi kar bînin, him jî bi haweyekî eşkere û vekirî hin rêvebirên we dikarin ford û gefan li produktorê vî fîlmê teresane bikin/bixwin; 

heger hûn ji pişta bavên xwe bin, haa! Ew bavên we yên bi mêr û mêrxasîya xwe navên xwe li ser rûpelên dîrokê nivîsandibûn...

Gotina Dawî

Hewce ye meriv kûçiktîya kûçikan bi kûçikan bide hîskirin an na kûçik ê hesabê meriv nekin û ji meriv netirsin.

Gotina Herî Dawî

Gotineke pêşîyên me heye, pir kêfa min jê re tê:

"Dema mirina bizinê tê, dihere nanê şivên dixwe!"

Ev zûrezûr û hewtehewta van teresan jî nîşane û semptomên têkçûyînê ne.

Heger Xweda hebe û ew Xweda ji jor de dakeve jî, êdî tu hêz û qawet nikare xwe li ber serxwebûna Kurdistanê bigire.

Û bi serxwebûna Kurdistanê re jî, Tirkîye yê di navbera Xelîl û Celîl de bimîne.

Berê qûna xwe bide Xelîl nabe, berê qûna xwe bide Celîl nabe...

Ya bi xêr!

ziman û zeman

Agir bi mala we bikeve!

Haho ji bo Xwedê, ew tirkên gur bi qûna xwe bi wan dikenin jî hazirîya çûyîna Marsê dikin, hewl didin herin Marsê, lê hûn nivîskarên kurd hîn jî sêwîyên zimanê xwe ne.

Heyf!

Hîn jî we meseleya,

"wî/wê"

"kî/kê"

"min pirtûkan xwendin/min çîrokan nivîsandin/min sêvan xwarin" safî nekirîye.

Hey kulîyan zimanê we xwaro!

Ez meraq dikim, 

anuha aqilê we ji we re dibêje ji ya xwe danekevin û guh nedin rastîyên xelkê, şaşîyên we ji rastîyên xelkê çêtir in an bira jî hînbûn û fêrbûna vî zimanî bi we zor û zehmet tê?

Lêlawo!

Kerek bi wê kertîya xwe dema di derîyekî re derbas dibe û serê wê li serdêra derî dikeve, cara duduyan hew di wî derîyî re derbas dibe.

Ma qey hûn ji keran dihesidin û qayîşê bi keran re dikişînin?

Em dizanin xema we ne ziman e lê qet nebe xwe li ber çaavên însên nehetikînin.

Meriv ji ber we fedî dike, lewra em ji dawa zimanekî ketine...

Gotina Dawî

Ziman ê bibe zeman an zeman ê bibe ziman, nizanim!

zilm û zordestî

Rojev şorbeya qereçîyan e; destê kê di bêrîa kê de ye, ne dîyar e.

Lê mixabin...

di nav wê nedîyarîyê de em pir dîyar in. 

Pir bi ser me de tên, pir,

lê...

sebir jî heta derekê ye.

qîlên diranên me lêva me ya jêr dicû û dide ber gezan, xwîn bi zorê xwe digire.

Erê, xwîn xwe bi zorê digire, lê teresbavên rezîl hewl didin wê xwînê der bikin!

Û heger der bibe ew xwîn, em ê Xwedayê we jî di nav wê xwînê de bigevizînin.

Bes e, êdî bes e!..

Axir, ser dilê min tije ye, ji hêrsan nikarim binivîsînim, lê ev bêbavî û teresî û zimandirêjîya tirkan êdî di ser re diqulipe.

Heger min bi xwe re dît, sibê ez ê çend gotinan bibêjim...

çilvirî û çilvirî

Hûn dizanin ez civaka kurdan dişibînim çi?

Çûkên rûçikî!

Mîna meriv per û perîkên çûkekê birûçikîne û dû re meriv wê deyne ser kefa destê xwe û li ber wê bigere bibêje, "De haydê bifire, de haydê!.."

Xwende, zana, rewşenbîr, entelektuel, nivîskar û mivîskar jî radibin rûdinin rê û rêbazên pêşketin û guherînê pêşnîyarî vê civaka bi dîn û îdeolojîyan ji qudûm de ketîye dikin.

La hewle wela!

Mîna meriv li ber serê mirîyan bilorîne!..

Ji nûçeya (Ne)Ozgur Gundemê:

Selo başqan dibêje,

"Yek ji wan kesên bi Evdila başqan re dida û distend jî Hakan Fîdan bû. Li ser başqanê me gelek fikrên Hakan Fîdan ên hêja û bêhempa hene. Min bi guhên xwe bihîstîye Hakan Fîdan ji bo başqanê me gotîye, piştî Gonzalo fikrên Evdila başqan pir tesîr li min kirin."

Abêê pif kêê!

Çîroka "Abê pif kêê!" ez ê rojeke din ji we re binivîsînim, lê hewce ye ez vê jî bibêjim.

Lo lawo Selo!

Bi serê te, ne tu ne jî başqanê te, hûn her du jî ne tu tariş in.

Dîwarê Whatsapê jî bûye mîna dîwarê girî yê cihûyan.

Gilî û gazinên xwe bi haweyekî sublîmînal digihînin hev.

Bira ji bira re...

Xwişk ji bira re...

Heval ji heval re...

Bav ji keç û law re...

Bûk ji xesûyê re...

Xesû ji zava re...

Evîndar ji evîndar re...

Jin ji mêrê li malê venahewe re...

Heger zimanê whatsapê hebûya, ew ê bigota, "Hûn yek ji yekî pûşttir û bêkesayettir in!"

Kes nikare xwe li ber hêza tirkî bigire, bi telaq; çi şoreşger û çi anarşîst, çi kurd û çi ne kurd...

Xanimeke bi eslê xwe kurd lê bi qelema xwe tirk li ser twîtterê weha gotîye:

"Berî nuha bi şeş mehan ez tev li malbata twîtterê bûm, nuha hejmara şopîneran bi ser 10 hezaran ket..."

Xwelî li serê te û şopînerên te be!

Û ez jî, 

ev zêdeyî salekê ye ez bi hesabekî nuh li ser twîterê dinivîsînim, lê hejmara şopîneran hîn negîhaye 500 kesî...

Te got erê, keça xelkê?

Gotina Dawî

Mala populîzmê bişewite! Mejî bi çar çavan li kesayetê digere.

şîreta kîrê ker

Em dibêjin,

kurd ê bi ser bikevin bi ser nekevin li hêlekê, lê Kurdistan ê kurdî bi ser bixe; ne tirk, ne ereb, ne faris, ne jî kurd ê bikaribin bibin asteng.

Dibêjin,

surec hesas e, heval.

Em dibêjin,

ji ziman û edebîyata tirkî re xizmetê dikin, lê li civîn û panel û konferans û mîhrîcanan ji bo li ser zimanê kurdî quretîyan bikin tên vexwendin û ezibandin.

Dibêjin,

ziman ne girîng e, ya girîng ew e, meriv xwe çi hîs dike, heval.

Em dibêjin, 

agir bi bakurê welêt ketîye, kurdî bi destê kurdan li ber sekratê ye. 

Dibêjin, 

başûrê welêt di nav gendelîyê de digevize, rêvebirên başûr, Kurdistanê pêşkêşî dagirkeran dikin.

Em dibêjin, 

hûn bi nav salan de çûn, êdî giran bin û wek maqûlan tev bigerin.

Dibêjin,

de ho ho û diherin dikevin pey populîzmê û kenê guran bi xwe tînin.

Em dibêjin,

hey we quzê wê xwaro! Kurdbûn ne ev e.

Dibêjin,

yaw de çi ferq dike; em hemû bira ne.

Gotina Dawî

Em dibêjin nabêjin, guh nadinê û li serê kîrê xwe dinivîsînin, mixabin.

kê dinya dot ê kirî û firot

"Kê dinya dot? Ê kirî û firot."

Doh min ji Çîxdemê bihîst; ya rast li herêma Mêrdînê pir li kar e ev biwêj lê Çîxdemê ji nû ve anî bîra min.

Weha ye, mixabin; heger nigên meriv ji axê qut bibin, ax ceza li meriv dibire. 

Ev nêzîkî salekê ye ez neçûme welêt, min pê li axa welêt nekiriye.

Belê...

"Kê dinya dot? Ê kirî û firot!"

Ka bala xwe bidin cihûyan bê ev biwêj çi xweş li ser bejn û bedena wan rûniştîye.

Ciwamêran li seranserê dinyayê li ser axa her welatî kirîn û firotin ji wan tê pirsîn.

Loma jî...

Bi wê jîr û zîrekîya xwe dinyayê didoşin, nêr û mê bi hev re!..

Gelo hîç hûn difikirin bê ew tiştên hûn li ser twîtterê dinivîsînin hûn ji kê re dinivîsînin anku ji bo kî bixwîne hûn dinivîsînin?

Hûn hemû hest û hîs û fikirin xwe li vir dinivîsînin pir wextan...

"Roj baş."

"Ez ê li filan muzîkê guhdarî bikim."

"Ez rabim ji xwe re qahweyekê çêkim."

"Metika min mar pê ve da, jê re dua bikin."

"Şev baş."

"Xewa min hat, şeva we bimîne xweş."

"Min ji xwe re van kêtêbina kirîn. Ez nizanim ji kîjanê dest bi xwendina wan bikim."

"Zimanê kurdî pir dewlemend e lê kurdîya min têrê nake ez xwe îfade bikim."

Û gelek gotinên din ên bi vî rengî...

Baş e...

ev tiştên hûn dinivîsînin xema kê ye? 

Kî dixwîne û çi li we zêde dibe?

Hûn kî ne?

Çima hûn ew qasî dikevin çav xwe û xwe li ber çavê xwe mezin dibînin?

Ew egoya we ya heft wehş jê têr dixwin hûn kwîr û kerr û gêj kiriye.

Herin li ber mirêkê rawestin, li hundirê çavên xwe binerin û bi ser xwe de biqîrin û bibêjin,

"Tu ne xema kîrê kesî yî!"

Gotina Dawî

Heger em kurd jî mîna cihûyan xwe hînî kirîn û firotinê bikin, em ê jî dinyayê bi ser dagirkerên xwe de bidoşin û dagirkerên xwe di nava wî şîrê ter de bifetisînin.

Lê...

heger em hînî dotinê bibin!