Rewşenbîr, divê wêrek, hişk, sert û zimantûj û zimançepel bin.
Divê pişta xwe nedin textan û quretîyan nekin, tim berê wan li textan bin û bi şipîyakî bibeliqînin!
Dudulî navê ji rewşenbîran re, divê ripîrast û eşkere bin, dunig lê nexin.
Weha bi nermî kes nakute qûna rewşenbîran û jixwe kes hesabê nermikan jî nake.
Rewşenbîr, divê ji bavê xwe bêminet bin û hesabê kurtêl û hestî û konforê nekin.
Bi kin û kurdîya kurmancî,
rewşenbîr, divê ne kîrquzdê bin!
Îja li vê herêmê,
mixabin…
Rewşenbîr li bin sîya textan pal didin û tenê dibezin kelmêşan.
Heyeta Îmralîyê wek her car dîsa siwar hat û peya çû!
milîtan milîtan milîtan,
milîtan milîtan milîtan,
simbêl qeytan dayik bi qurban,
simbêl qeytan dayik bi qurban,
milîtano!
Heyet dibêje, “Sayin û birêz û bi ser de jî mirêz Ocalan li ser dem û pêvajoyê dixebite, hîn negîhaye encamekê; lê çawa bigihêje encamekê, em ê we haydar û agahdar bikin.”
Rehma Xwedê li Heydar Dumen be!
Wî jî li gorî dewr û dewranê pêvajo xweş diajot û difîkand.
Axir…
Feylesofê sererd û binerd bi ilm û îrfaneke kûr û dûr û nedîtî daketîye binê meseleyê û dikole û hey dikole,
lê ji Xwedê pê ve kes nizane bê çi yê ji binê wê meseleyê derkeve.
Gaza siruştî!
Petrol metrol!
Komir!
Yan jî du sê kîlo binerdik!
Lê îhtimal heye xîyarek jî derkeve û jixwe xîyar jî dine xeyalan!
De îja tenê xeyalên me hene û xeyal jî qûnek bibin, em ê pê bigirin.
Dilgirtina xeyalan!..
Masturbasyona xeyalan!..
Orgazma xeyalan!..
Azadîya xeyalan!..
milîtan milîtan milîtan,
milîtan milîtan milîtan,
simbêl qeytan dayik bi qurban,
simbêl qeytan dayik bi qurban,
milîtano!
“Ez ez im ev berzik e” digot, Evdirhîmê apê me Hecî Emînê mala Wezo
ku Evdirhîm tayek mû di nav şorbê de zevt kiribû…
Îja heyran,
Ev çûyin û hatina heyeta Îmralîyê jî, bi min wek meseleya Evdirhîm a mûyê nav şorbê hat.
Ez ez im serokê sererd û binerd mirîye û ev heyet jî li ser hêvî û daxwaza dewletê belasebeb çiv û lotikan dide xwe!
Îja dek û dolab, fen û fûtên tirko pir in. Dikarin ji nebûnê hebûnê biafirînin.
Ma ji nekurdan tirk çênekirin?
Sibê dikarin herin bi qirika wî reben û belengazê Meheme Ocalan bigirin, wî bibin bi operasyoneke cerahî ya estetîkî bikin serokê sererd û binerd û pêvajoyê pê bişon!
Erê bi Xwedê!
Axir…
Gotina Dawî
Min got,
xeyal pirê caran dibe xîyar û di qûna meriv re dihere!
