Li Fransayê Emmanuel Macron bi ser ket û dilê yarên xwe xweş, dilê neyarên xwe jî reş kir.
Bi hêvîya di demeke nêzîk de Macron û Nêçîrvan li bin Eyfelê bi şerabê serxwebûna Kurdistanê pîroz bikin!..
Û li bakurê welatê min jî qûn û serî cî guherîye; gû ji mejî buhatir e êdî!..
Sîyasetvanê tirk Ahmet Turk, bi wî temenê xwe yê qijalkane mîna nuhciwanên bi bonzaîyê bêhiş dikevin, ji ser hişê xwe çûye û ji haş û baş dipeyive.
Heger bi hişê xwe be, totik tune ye; na, heger xurifîbe, bila zarok û nevîyên wî, wî ji mîkrofon û kamerayan dûr bisekinînin.
Bêlome be!
Bi şaşî dikare devê wî bixelite û bibêje, "Ez ne Ahmet Turk im, ez Ahmed Kurd im!"
Gelek misilmanên fisgenî, ji tirsa qûna xwe, berî têkevin feqa Ruhsitîn lêvikên wan li hev dikevin û bi zorê eşheda xwe tînin.
Eşheduenlaîlaheîllalahweeşheduenemuhamedunresûlalah!
Apê Ahmed, ka tu di kîjan demsalê de dijî, nizanim, lê ji wî mejîyê te yê hew reaksîyonê dide zimanê te, dîyar e zivistan nêzîk e.
Û mirina di zivistanê de jî, belkî tenê ji bo mezelkolan xweş be,
lewra...
Berf û baran, zîpik û boran gunehan naşo, xalê Ahmed!..
Min got, "Dîyar" ew stranbêjê nedîyar hat bîra min.
Hozan Dîyar!
Stranbêj in lê ji stranan bêtir propaganda dibêjin.
Nizanim çima lê ji roja roj de kêfa min ji vî beradayîyî re nehatîye.
Cahil, nezan, bê vîzyon û pragmatîst. Û jixwe ne tu stranbêj e jî.
Qureyekî bêvîzyon!
Ji PDKyîyan re gotîye kerikên mayînan!
Yanî li gorî vê zîhnîyeta teslîmîyetkar ji xêndî wan her kes cahş û fahş û xayîn e.
Hozanê devgome û devşorbe, weha bi fisgenîtî nabe.
Madem tu ew şêr î, rabe wî sazê xwe bişikîne û here kaleşekê biavêje nav milê xwe û berê xwe bide Qendîla xopan.
Hewal Dûran li benda te ye.
Li welatên Ewrûpayê di nav konforê de serê xwe deyne ser pêsîrên jinan, kêfê li ser kêfê bike û bi vê megalomanîya te jî, zarokên reben û feqîr û belengazan jî herin xwe di ber vê zîhnîyeta teres de bikujin!..
Gotina Dawî
Heger hêla din hebe û li hêla din hûn rastî dê û bavên kezebşewitî bên, ew dê û bav ê bi diranên xwe we ji hevdu çîrçîrî bikin.
