Apocîyan di xendekan de çi stratejî meşand, îroj li başûr jî li pey wê stratejîyê ne, mixabin.
Erê, şaşî û kêmasîyên başûrîyan jî hene, lê eşkere ye apocî taşarontîya dewletê dikin; jixwe serokê wan jî bi devê xwe dibêje û her tiştî piştrast dike.
Yên nebihîstine dikarin herin serî li youtubeyê bixin; li wir mîna kewê gozel ji komûtanê tirk Atîlla Bînbaşî re dixwîne...
Haa!
Başûrî sîyaseteke başûrane dimeşînin an sîyaseteke kurdane, li pişt perdeyê çi diqewime, em nizanin, lê tav li jor e û îlhez ew ê rojekê bide qûnê; wê çaxê jî kî berx e kî beran e, bi hev re em ê bibînin.
Û malbata barzanîyan!
Ji nuha heta du-sê salan heger barzanîyan karta xwe ya serxwebûnê derxist û mîna dewletên alemê Kurdistan jî serbixwe û azad bû, jixwe ew ê bibe û bi hev re em ê ji stratejî û dîplomasî û fedekarîya barzanîyan re li çepikan bixin;
heta hetayê em ê vê qencî, qehremanî û fedekarîya wan ji bîr nekin.
Na...
heger ji nuha heta du-sê salan ava nebû, jixwe êdî ava nabe û ez ê hêvîya xwe ji serxwebûnê bibirim
û malbata barzanîyan ê jî di çavê min de bibe mîna apocîyan û hûn sax!
Gotina Dawî
Hoo barzanînino!
Ji bo xatirê serxwebûnê, em ê çavên xwe ji zengînîya we re jî, ji konfora we re jî, ji gendelî û neheqîyên li wir diqewimin re jî bigirin,
lê...
wek min got,
ji nuha heta du-sê salan em ê xwe li xew dînin!
Tenê du-sê sal...
Gotina Herî Dawî
Heger kesayet têr be, bi wê terbîye û perwerde û vîzyonê ez dibêjim qey hûn ê çavên xwe bera textekî zêrîn nedin.
Nêçîrvan jî Mesrûr jî di zemanekî dijwar de ji êşê welidîn. Zaroktîya wan li ser çîyayên Kurdistanê bi têkoşîn û şer bihurî.
Li ber çavên wan bi hezaran nas û dost û merivên wan mirin/hatin kuştin!..
Piştî Kurdistan ji Iraqê veqetîya û bû nîvdewletek, êdî giranîya xwe dan ser xwendinê;
ji bo siberoja xwe;
xwendin, perwerde bûn û bûn xwedan vîzyon.
Bi wê vîzyonê dîplomasî meşandin/dimeşînin da sibê mizgînîya serxwebûnê bigihînin.
Wek min li jor jî got, heger kesayet têr be!..
Na...
Heger kesayet birçî be, textê zêr jî wê kesayeta birçî têr nake.
Mixabin!
