Ya rast, dilê min hebû ez îşev ji rojevê dûr ji we re qala bîranîneke xwe ya nîvromantîk, nîveroktîk bikim, lê ez fikirîm, min got nabe; ji xêndî yên mekroh û tirole, hin şêx û sofî û mele jî min dişopînin û bi dizî dixwînin, di vê meha remezanê de ez gunehên wan nexwim stuyê xwe.
Wek hûn dizanin, ew ji yên mekroh û tirole nefsteniktir in û ez nikarim di bin gunehên wan de rabim.
Ka bila remezan bi pişt keve, ez ê dilê xwe û we rehet bikim.
Axir, ez herim ji xwe re rakevim, sibê dîsa azmûn heye.
Gotina Dawî
Maşalê îşev, ber destê sibehê Şeytan bi min nekene. Lo heger bi min nekene jî, bi "heramî" ez ê xwe li derve biqewimînim û bi avêtina her gavekê re ez ê duayekî bixwînim.
