-Tu çawa yî, çi dikî?
Got:
-Ez baş im, saxîya canê te.
Û nuha ez ji kar hatime, li malê me;
li ber sobeyê rûniştime;
min agirekî xweş dadaye;
min nigê xwe li ber radaye;
nav nigên min ketîyaye;
devreşo tê re xuya ye;
devê wî devê mara ye
û pûrta wî pûrta kahra ye!
Ka ber bi min ve werin û kerem bikin ji min re bibêjin bê di kîjan zimanî de xweşgotineke bi vî reng û bi vê ahengê heye?
Îja...
Ji bo meriv ji vê qudretê bêpar nemîne, hewce ye meriv nehêle li ser wê axê şopa meriv zuwa bibe.
Ji ber ku...
Di navbera te û zimên de ax pire ye û heger ax nebe, tu û zimên nagihêjin hev...
Û...
Heger tu xwe negihînî zimên jî, axa tu li ser dijî, bi zemên re te vediguhere; tu dibî yekî din!..
Gotina Dawî
Ax dinale, ji ber şopên xerîb!
