ez keç im keça azad im
hur difirim mîna baz im
carinan dê carinan keç carinan jin im
lê ne kole me ne xulam im
ne jî jina mêrên xwelîser û belengaz im
ne pordirêj û aqilkin im
li gotina we ya nêrane disekinim
hûn li ber destê me mezin dibin
tew îja ne eyb û fedî hûn radibin gazinan dikin
her azad im her azad im her azad
ne ditirsim ne ditewim ne diwestim
jin im jinek xwedan helwest û bargiran im
jin im keç im xwişk im ji mêr û bav û bira re
lê ne namûs im tu carî ez ji bêehlaqîya wan re
bi teyrê baz re difirim
bi dê û keç û jinan re digerim
bi bav û bira re dipeyivim
li şato û katedralan temaşe dikim
hur çêbûme her azad im
hur çêbûme her azad im
her çi bikim bi xwe dikim
û xwelîyê li ser we dikim
jin im jîn im jîyan im
hur im serbixwe û azad im
jin im jîn im jîyan im
hur im serbixwe û azad im
naxapim bi peyv û gotinên nepoxok
dixapînim ez mêran bi cîlweyek nîyhandok
azadî ne ew e ku tu ji her tiştî re bibêjî erê
azadî ew e ku tu ji her tiştî re nebêje erê
erê erê erê na na na
erê erê erê na na na
berçem berçem diçime benîştê xwe dikim balon û diteqinîme
ne xema min Elo ye ne xema min Welo ye
dilê min kê û çi bixwaze wilo ye
min go dilê min kê û çi bixwazim wilo ye
ma tim mêr ê bixwazin
divê jin jî bixwazin
sîng û berên min qelen
de were hey xwelîser
ma hîn tu çi dixwazî
hey ehmeqê ceh li ber
porê min ê xelekxelekî yê hineyî
çavên min ên keskeyê zeytûnî
lêvên min mîna hinguvê serhedî
serê memikan bel sekinîne mîna tirîyê mêrdînî
ma tu hîn li benda çi sekinîyî lo ehmeqê serserî
mêr mêr in hin ji wan nêr
nêr nêr in hin ji wan mêr
mêr mêran nêr nêran
lê ez we teva dişînim ber keran
li ser medyaya sosyal kubarekî entelektuel
di jîyana rastîn de belengazekî xwelîser
geh don juan e geh qeşmer
xweda jinê biparêze ji nêrmêrên werê ker
