-Ka bibêje, berxê xalo.
-Bi te azadî çi ye?
-Ma bi Xwedê berxê xalo, ku her tim barek li pişta meriv be, çi azadî! Û em kurd jî, barekê datînin, barekî hildigirin…
-Yanî?
-Yanîya wê ev e. Azadî bêberpirsîyarîyê dixwaze û de îja were kurdan qala azadîyê bike!..
-Wê çaxê kes ji me ne azad e, te go çi?
-Erê xebera te ye, lê bi şev dema ez dikevim himbêza xalojina te ez tehma azadîyê hiltînim, lew xalojina te min li ser baskên xwe dike û ber bi dîyarê fantezîyan ve difirîne. Bi serê te, wê kêlîyê ne Xwedê di bîra min de tê, ne Şeytan di bîra min de tê, ne jî kurdbûna min…
