Li welatekî wek Tirkîyeyê ku ew ê tu carî bi sî û starê demokrasî û xweşbînî û humanîstîyê nekeve, kurd radibin ha ha xwe ji bo hilbijartinên tenê rant û berjewendîyên şexsî jê difûre, li erdê dixin û enerjîya xwe bi erdê de berdidin.
Îja hinek dikin, hinek jî dixwin, mixabin.
Ji hêlekê ve,
li enîya şer, zarokên reben û xizan û belengazan hevdu dikujin û li ser termên hev selfîyan digirin,
ji hêlekê ve jî,
sîyasetvanên tucar, li ser xwîna zarokên wan reben û xizan û belengazan ji xwe re bi lîstikên demokrasîyê dilîzin.
Û hîn jî hin xwelîserên xwe jîr û zana dihesibînin, radibin quretîyan dikin li ser vê şoreşa derewîn.
Gotina Dawî
Li ser vê axê, qesasên bêjî bizirên demokrasîyê direşînin û bi xwînê av didin!..
Gotina Herî Dawî
Û kurdên ku navê sîya wan tirs û xof bû, êdî ew bi xwe ji wê sîyê ditirsin!
