Selahattîn Demîrtaş dibêje:
"Ne ez dibêjim, bi milyonan însan Ocalan wek serokê xwe pejirandîye û jê re dibêjin tu serokê me yê neteweyî yî."
Û berdewam dike:
"Her weha Ocalan, ji pirê nijadperestan bêtir ji bo aştîyê hewl dide."
Hii ihi!
De werin vî kerî di vî bihurî re derbas bikin!
A ev jî Selahattînê we ye, yê ku hûn bi serê wî sûnd dixwin!..
Bi kin û kurdîya kurmancî,
Selahattîn Demîrtaş dixwaze ji rewşenbîrên nîvco re bibêje,
"Hûn pesnê min bidin û hûn min bikin pêxember jî, Xweda Ocalan e û hew!"
Divê piçekî şerm hebe!
Ji şermê wêdetir, divê pozê meriv bişewite, heger piçek xîret û heysîyet mabe!..
Ya din jî...
ji bo meriv pişta xwe bide quretîyên Selahattîn Demîrtaş, divê di şûna mejî de ka di serê meriv de hebe.
Lê heyfa kayê!
Qe nebe ka bi kêrî gelek tiştan tê...
Meriv dixe nav herîyê, ji bo xanîyan dibe kerpîç.
Meriv dikare ser xanîyên kerpîçan ên ser wan ax, ji bo zivistanan dilopan neke, biseyinîne û xwe pê bisitirîne.
Her weha meriv dikare tev li ceh û gêris bike û ji sewal û dewarên xwe re bike êm.
We got, parastina Selahattîn Demîrtaş a dadgehê wek manîfestoyekê ye?
Erê, manîfesto ye, heger meriv bi çavên aqilê xwe nexwîne.
Lê dema meriv bi çavên aqilê xwe dixwîne, manîfestoya Selahattîn li ber çavên meriv dibe manîfisto!
Du gotin ji bo pêxemberê Xwedê jî:
Selahattîn efendî, te gotîye, "Ne ez dibêjim, bi milyonan însan Ocalan wek serokê xwe pejirandîye û jê re dibêjin tu serokê me yê neteweyî yî."
Tu li ber çi ye, heger tu yê wê şolîbûna serê civakê zelal nekî?
Civak pez û tu berê civakê bidî kî derê, civak ê here wir.
Çima tu pez ji ser gur venagerînî?
Tu şivan î yan tu jî ji wan pezan pezek î?
Gotina Dawî
Ji kerema xwe re bi ber bayê populîzmê nekevin û bidin pey qîrîna mentiqê.
Ew ê mentiq we ji mirîdîtîya serok merokên bi herîyê hatine çêkirin, rizgar bike, berê we bide mirîdîtîya bext û ûjdên!..
Hûn ê bibin xwe,
hûn ê bibin kurd!..
