"Tu çi karî dikî?"
Min got,
"Bi wî zimanê hûn dibêjin tune ye, ez kitêban dinivîsînim."
Got,
"Hi ii!"
Min got,
"Ne hii, serî, şikefta bê derî min tê de bir û anî!"
Min got,
"Qama lawê te çi qas e?
Got,
"Qama wî bûye yek û heyştê."
Min got,
"Wehew! Ma çend salî ye?"
Got,
"Hîn sêzdeh xelas nekiriye, neketiye çardehan."
Min got,
"De maşalê bi ser yek û nodî nekeve."
Got,
"Na na, bila bi ser du metreyan keve û here xwe bigihîne cem Xwedê û bi pêxîla Xwedê bigire, jê re bibêje, Ma bavê min li talanê bavê te xistibû law, te ew ew qasî kin çêkir!"
