Dev ji demagojî memagojîyê berdin.
Bibêjin, “Ez kurd im û hew.”
Wekî din hewce nake hûn kiras mirasên netweperestî, lîberalî, demokratî û çepgirî li xwe bikin.
Neteweperestîya me kurdan, heqperestî ye,
lewra…
di rewşeke wek rewşa îro de, hin demagogên xwelîser, hewl didin xweperestî anku kurdperestîya me bi neteweperestîyeke teng û erzan bermeqlûb bikin û me li ber çavê xelk û alemê wek kesên paşverû nîşan bidin.
Bi kin û kurdîya kurmancî…
ew bi xwe di pencereya neteweperestîyeke teng û erzan de li jîyanê dinerin.
Bêguman…
ez bi xwe jî neteweperest im û her weha di rewşeke wek rewşa îro ku kurd tê de ne, heger meriv ne neteweperest be, divê meriv bi şik û guman li karekter û kesayeta xwe binere;
lewra vî zemanî…
neteweperestî, xîretkêşî bi xwe ye, neteweperestî, karekterparêzî bi xwe ye, neteweperestî, xwedansekn û xwedanhelwest û xwedanprensîbî bi xwe ye.
Loma jî…
bi demagojî memagojîyên demagogên pûşt û bêvîzyon nexapin.
Û neteweperestîya ku hewl didin bi me ve bizeliqînin jî, ji binhişîya wan a faşîstî dizê.
Gotina Dawî
Ew faşîst in em heqperest!..
