Paradîgmaya nuh!
Anku…
Xwelîserîdîgma!
Dewletê weha xwest û ferman da…
Bi kin û kurdîya kurmancî,
ev metn ji destê dewletê derketîye û çûye ser maseya qudretlî Ocalan û qudretlî Ocalan jî werê ferman da/dide/daye/dê bide.
Bi min peyva “qudretlî” li pêşîya navê Apo xweş rûnedinişt, loma jî qudretlî Ocalan seksîtir e û min jî qudretlî Ocalan tercîh kir.
Û hûn mirîdino!
Pardon…
Hûn kurdino!
Ji pey şivanê xwe,
dîsa pardon…
Ji pey serokê xwe venegerin.
Qudreta kesî têrê nake ku rabe qudreta serokê we bipîve; lewra serokê we pir biqudret e;
ji Muhamed jî, ji Îsa jî, ji Mûsa jî biqudrettir e.
Axir…
ew qudretlî Ocalan e ku Sirrîyê pirê caran ji parlamentoya tirkan re reîztîyê dike, mîna zarokekî nûsinetkirî radibe xwe kar dike û berê xwe dide Îmralîyê.
Û…
Jixwe tirk û kurd bira ne û yên di navbera wan de haşimkêşîyê dikin jî beko ne, ewan in.
Gotina Dawî
Paradîgmaya nuh ê ji hinekan re bibe peredîgma!..
Gotina Herî Dawî
Di sîyaset, edebîyat, huner û felsefeyê de metafor pir biqudret in;
loma jî Sirrî jî, Perwîn jî metafor in.
Sirrî biratîya tirk û kurdan, Perwîn jî biratîya ereb û kurdan sembolîze dike.
Û qudretlî Ocalan…
bi vê metaforê, stratejîya ku dixwazin li Sûrîyeyê bimeşînin nîşan dide.
Gotina Metaforîk
Dîwaro min ji te re got, bûkê tu fêhm bikî.
